姜濤演唱會｜現場直擊亞博場內實況震撼壯觀！觀眾席開場前已坐爆姜糖座無虛席
亞博現場所見，三個票價$1,080 / $880 / $580的席位於開騷前十五分鐘幾乎已「坐爆」，迅即形成座無虛席的震撼場面，目測入座率達9成多，可謂非常壯觀。
為了這次演唱會，姜濤特別製作了演唱會主題曲〈濤〉於開Show前夕推出，進入最後綵排階段的姜濤，特別披露了今次演唱會細節，讓人引頸以待。
據姜濤形容，〈濤〉是很炸場的一首歌，會聽到猶如瀑布、浪濤一樣的氣勢，姜濤說：「呢首歌就好似要話俾大家聽，我要嚟喇！」為了營造這種氣勢，今次〈濤〉找來合唱團演唱歌劇式的和音，副歌方面亦好易記，姜濤說：「過去作品裡面應該都未有過咁樣嘅Hook Line俾大家聽到。」
〈濤〉將會在今次演唱會上作首次公開演出，當中會有舞蹈去表達水的形態，姜濤說：「唔想好純粹用而家好常見嘅街舞形式去表達水嘅形態，所以會用好多布去營造水嘅感覺，同時舞蹈上除咗Urban Dance之外，仲會加入現代舞嘅元素，大家會睇到一個好豐富嘅大畫面。」
而為了配合演唱會主題，今次姜濤亦會嘗試不同的舞種，他說：「正如水一樣喺唔同形態有唔同嘅形狀、方式，包羅萬有，今次喺演唱會入面都會用唔同曲風、舞種串連成個演唱會，所有舞種甚至溝埋一齊，唔需要特別區分。」
除了〈濤〉以外，在今次演唱會姜濤亦會唱出多首從未曝光的新歌，還有意想不到的內容及驚喜，被問到姜糖要如何準備迎接演唱會的來臨，姜濤只簡單道：「準備一個好嘅身體嚟睇表演就可以，唔要求大家做咁多嘢，好好地睇就得了。」
同場加映：【衝出嚟玩】最新影片
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：姜濤演唱會｜現場直擊亞博場內實況震撼壯觀！觀眾席開場前已坐爆姜糖座無虛席
地址：https://www.twnewsletter.com/article/12077.html