高雄旗津掃街影相一日遊！純白燈塔眺望旗津海岸線+歎即烤海鮮
去台灣高雄玩，想睇靚景又想掃街，輕鬆玩返一日，推介大家去旗津！旗津是四面環海的小島，島上有唔少景點包括旗津老街、旗津海岸公園、沙灘等，仲可以到高雄燈塔觀景台眺望旗津海岸線以及高雄市全景，鐘意影相打卡、掃街喫小食的朋友記得唔好錯過！
想去旗津可以選擇揸車或搭輪渡，由鼓山輪渡站去旗津的船程大約10分鐘。
到達旗津輪渡站後，就可以沿著旗津老街散步同掃街，旗津老街有唔少海產店、小喫攤檔及手信店。
當中現烤小捲更是旗津「必食」之選，主打即點即烤原隻魷魚，燒烤完可以配上祕製醬汁，充滿炭香，非常惹味！
除了即烤魷魚，亦有即叫即炸海鮮如幹貝、小磅蟹及其他小食例如煎鳥蛋、花枝丸，啱曬鐘意掃街的朋友。
掃完街可以一直沿路走，就會見到指示牌可以到高雄燈塔觀景台！
高雄燈塔是一座純白色燈塔，可以望到四面環海的旗津海岸線以及高雄市全景。
燈塔內亦有歷史簡介展覽可以參觀。
高雄燈塔旁邊仲有一間純白咖啡店，咖啡店仲有燈塔店限定飲品同小食，推介大家試Affogato，咖啡配上義式雪糕同自家製餅乾，口感味道一流，而且賣相都好吸引，食之前記得要影相打卡！
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：高雄旗津掃街影相一日遊！純白燈塔眺望旗津海岸線+歎即烤海鮮
地址：https://www.twnewsletter.com/article/13032.html