貝遊歐洲｜蔡思貝罕有泳裝出鏡大曬隱藏級好身材 白色一件頭泳衣上陣戶外沖涼
由視後蔡思貝主持的旅遊節目《貝遊歐洲》今次玩轉英格蘭、蘇格蘭及威爾斯英國三大區域，還會飛赴意大利，玩齊最潮最新打卡熱點。周一（28日）播出的第一集，蔡思貝就大派福利，在鏡頭前以一件頭泳衣上陣，大曬健美身材，享受「冰火兩重天」桑拿浴。
蔡思貝首先就去到英格蘭南部的布萊頓感受陽光與海灘，當中最大睇頭絕對是「冰火兩重天」桑拿浴，以一件頭泳衣上陣的蔡思貝大曬健美身材。由於當時天氣只得15度，蔡思貝沖凍水涼時凍到彈彈嚇，畫面搞笑。
沖完凍水涼後，蔡思貝即急急腳走入桑拿房歎世界，一邊焗桑拿一邊欣賞無敵海景，Chill級享受。美景當前，蔡思貝就有感而發：「呢個Moment，最掛住係一班姊妹朋友，成日都話想一齊去旅行，但一直都未試過，因為大家都為自己嘅家庭、事業奮鬥緊，但我相信總會有呢一日。」
之後，蔡思貝出發到布裏斯托和巴斯遊玩，行逛期間獲智利旅客邀合照，原來該名智利旅客是思貝粉絲，一直都有Follow她的社交網，思貝知道後感動得眼濕濕說：「媽咪我成功喇，我衝出國際喇！有啲感動，我做咗十年係冇白費嘅！」
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：貝遊歐洲｜蔡思貝罕有泳裝出鏡大曬隱藏級好身材 白色一件頭泳衣上陣戶外沖涼
地址：https://www.twnewsletter.com/article/15074.html