孫慧雪美國旅行再解鎖湊仔新技能 每日孭住細仔四圍走 網友戥佢辛苦
孫慧雪與老公羅天彥（Edwin Lo）結婚8年，先後誕下兩子6歲的大仔水哥（Riley）及11個月大的細仔「肉肉哥」。最近一家四口飛到美國旅行，去完三藩市後轉戰洛杉磯，之後就到了紐約。
孫慧雪一家今次去美國兩星期，除了陪大仔去當地的Summer camp外，更有趁空閒時間去了當地兩大主題樂園環球影城及迪士尼樂園。而在合照中不時都可見是由孫慧雪自己孭住細仔，不少人都為這位超能媽媽感辛苦，有網友直言：「好辛苦！見你啲相全部都係你孭住個BB！」而孫慧雪回覆：「BB唔肯坐BB車，爸爸又用唔慣條孭帶。」她又指兩公婆各有分工：「佢負責搵路，book嘢，揸車，搬重物，大家都好辛苦！」
旅行再解鎖湊仔新技能
今次帶兩個囝囝去旅行，孫慧雪直言又是「技能解鎖」：「我可以喺無換片枱嘅情況下，幫肉肉哥單手換尿片！（真係爆曬屎嗰隻～）仲可以邊行邊抱邊沖奶，仲要睇埋個大，都可以臨危不亂，全靠我身邊呢位尿片都唔肯換張嘅老公，操我出嚟！多謝！#不過今次旅行佢好叻 #換咗一次尿片」
她又笑言細仔「肉肉哥」最愛爸爸：「估唔到爸爸前世情人，竟然係一個麻甩嘅肉肉哥…」
飛機旅程上遇突發事
孫慧雪之前曾分享與家人15個鐘的飛機旅程中的突發事，指她在飛機旅程上遇上突發事，到了當地更是無覺好瞓：「喺15個鐘嘅飛機旅程入面，開頭都尚算OK，點知喺臨尾嗰兩個鐘，佢（肉肉哥）突然嘔到我成身都係奶。去到美國，佢仲感冒埋添，加上jetlag，兩位小朋友夜晚唔係點瞓覺，連帶我哋都冇得瞓。」不過她指今次都是一次好好嘅體驗，「爸爸媽媽永遠都會咁勇敢迎接新挑戰㗎！#挑戰體能極限 #肉肉係唔鍾意瞓覺」
圖片：孫慧雪IG
▶️立即下載U Lifestyle App：https://bit.ly/47MZ5J2
同場加映：【快閃旅行團】最新影片
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：孫慧雪美國旅行再解鎖湊仔新技能 每日孭住細仔四圍走 網友戥佢辛苦
地址：https://www.twnewsletter.com/article/43835.html