TVB新一代咪神加盟《衝遊泰國》 準備水着「泰」解放 怕增磅唔敢食太多
由「泰國通」胡慧衝主持的 TVB Plus（82 台）長壽節目 《衝遊泰國》再添食，宣布即將開拍第10輯！來到第10輯，除了有胡慧衝和冬蔭家族成員參與拍攝外，還有一位TVB「新一代咪神」加盟節目！
黃婧靈（波波）昨日（11 日）從香港國際機場出發泰國曼谷拍攝新一輯 《衝遊泰國》，問到有份參與新一輯《衝遊泰國》心情，波波說：「好開心可以參與呢個節目，好多謝公司畀呢個機會我，同埋好期待可以向泰國通胡慧衝學嘢！」問到此行會否水着「泰」解放？波波興奮地說：「呢個一定啦，陽光與海灘喎，絕對唔可以嘥咗呢個機會，已經準備定水着帶去泰國，至於帶咗多套泳衣？呢個就賣下關子先，大家到時睇咪知囉！」
在波波到達泰國後，亦有與網友大玩Q&A，更有分享她的泳裝照。
波波被批身型發福
提到最近有網友指她發福，問到會否怕美食當前增磅？波波笑言：「我會努力保持最佳狀態㗎喇，至於美食方面就只好淺嚐，唔會食太多，做藝人始終都要身材管理一下。」
胡慧衝感恩開新一輯《衝遊泰國》
對於《衝遊泰國》開到第 10 輯，胡慧衝受訪時大嗌感恩：「好多謝TVB，可以畀我一個節目做咗 10 輯咁多，不過開心嘅同時亦有啲擔心，今次會唔會係《衝遊泰國》嘅結局篇？定係之後會踏入第 11 輯？呢個真係唔知，所以要繼續好好 地做好個節目！」
問到今輯行程？胡慧衝透露：「今次因為有波波出現，梗係要安排啲碧波暢泳嘅場面畀佢啦！之前無論冬蔭妹也好、叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎，之後仲會去一個叫大城府嘅地方，之前好多輯都想去嗰度，但結果都係冇去到，希望今次真係去到啦，同埋曼谷梗係唔少得啦！」
胡慧衝又預告冬蔭家族會再添新成員，但就「講啲唔講啲」：「究竟係美男定係大美女？定抑或係又男又女嘅雌雄同體呢？呢個大家到時就會知！」
圖片：黃婧靈IG、TVB提供
▶️立即下載U Lifestyle App：https://bit.ly/47MZ5J2
同場加映：【快閃旅行團】最新影片
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：TVB新一代咪神加盟《衝遊泰國》 準備水着「泰」解放 怕增磅唔敢食太多
地址：https://www.twnewsletter.com/article/44385.html