暑假親子遊首選 昆士蘭Chill級享受 海洋主題樂園+華納兄弟電影世界+賞鯨+農莊親親樹熊
又到暑假呢個一家人一齊出遊嘅好機會，當然想好好創造美好回憶，但要揀一個大人細路都玩得開心又放心嘅地方唔係咁易，澳洲昆士蘭就係一個非常完美嘅選擇！不單集齊大自然、動物、海洋、主題樂園等小朋友最愛，仲有新鮮又美味嘅海鮮、博物館同超靚海岸，跟永安嘅旅行團更住得超舒適，最緊要係可以直航昆士蘭首府布裏斯本，減少舟車勞頓，全程有人照顧，可以好好專心享受澳洲獨有嘅悠閒氣息同難能可貴嘅親子時光。
昆士蘭5大必玩推介 親子接觸大自然最好機會
昆士蘭好玩嘅地方相當多，活動亦非常多源化，如果係帶住小朋友嘅話，最好就係趁機一齊投入美好嘅大自然懷抱，昆士蘭無論海岸定陸上都有值得一訪嘅自然美景同接近各式動物嘅機會，加上主題樂園同航空博物館，海陸空加埋大螢幕幻想世界一次過玩勻：
觀鯨季節親見海上巨無霸
昆士蘭黃金海岸係著名嘅觀鯨勝地，每年6月至10月正是最佳觀鯨季節，加上由經驗豐富嘅船長帶領出海，遇上鯨魚嘅機率亦相對提高，如果幸運能近距離看到鯨魚的巨大尾鰭穿梭海中，體驗將會畢生難忘。
昆士蘭州最大海洋主題樂園
同樣位於黃金海岸嘅海洋世界(Sea World)，係昆士蘭州最大嘅海洋主題樂園，育有海豚、海豹、鯊魚等海洋生物之餘，亦可以搵到企鵝及北極熊等可愛動物，加上刺激嘅遊樂設施同精彩嘅表演節目，更可以讓小朋友近距離接觸不同生物，可謂寓教育於娛樂。 一場來到海洋世界，可以順道一遊附近嘅天堂海灘，呢度係嚟自世界各地嘅滑浪愛好者夢想之地，單睇風景亦浪漫醉人。
農莊親親樹熊
想感受澳洲大自然的魅力，農莊遊係不可錯過嘅節目，距離滑浪者天堂海灘僅15分鐘車程嘅天堂農莊，就係一個被樹林圍繞嘅觀光牧場，集合咗各式各樣嘅動物喺度生活，當中包括澳洲最具代表性嘅袋鼠同樹熊，參觀人士更可以抱住樹熊影相，留下美好回憶。牧場內仲有好多讓人大開眼界嘅示範同表演，包括綿羊放牧示範、扔回力鏢、剪羊毛、澳洲傳統比利茶及小型馬術競技表演等等，節目超豐富。
走入航空歷史現場
飛行曾經只係人類搖不可及嘅夢想，由發夢到今時今日飛機已經成為不可劃缺嘅交通工具，當中經過很多人多年嘅努力。喺距離布裏斯本1小時車程嘅昆士蘭航空博物館就可以睇到航空歷史嘅演變之餘，仲可以近距離欣賞75架極具歷史意義嘅飛機同大量航空相關展品，無論係大人定小朋友都肯定能大開眼界。
電影世界
華納兄弟電影世界係嚟到昆士蘭嘅必訪景點，呢個以電影為主題嘅樂園可以帶參觀者走華納影業嘅奇幻世界，園內隨時有機會遇到喺大螢幕先會出現嘅角色同卡通明星，加上各項唔同刺激程度嘅遊樂設施，的確係親子同遊共享歡樂時光嘅好地方。
想一次過去勻以上5大景點，又唔想擔心途上食住行安排，就要參加永安旅遊嘅澳洲昆士蘭7天親子旅行團，坐國泰直航布裏斯本之餘，全程安排舒適周到，讓家長可以專心同小朋友一齊創造難忘又開心嘅美好回憶。
永安旅遊
電話：2928 8882
澳洲(布裏斯本、陽光海岸、黃金海岸)7天親子遊(LAQBS07V)詳情：
*Source: 永安旅遊
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：暑假親子遊首選 昆士蘭Chill級享受 海洋主題樂園+華納兄弟電影世界+賞鯨+農莊親親樹熊
地址：https://www.twnewsletter.com/article/46074.html