咖啡達人教你揀樽裝日本黑咖啡 激新 7-Eleven 獨家日版 / 方便之選「極」/ 日老牌出品
咖啡達人 MON SO，啡齡 30 年，現正負責「野田珈琲」(生豆專門店+焙煎) 咖啡生豆樣品試味及杯測，月試 10 款起咖啡新品，經驗豐富。
第一關：香味
雖然只係樽裝咖啡，但其實都有一定程度嘅濕香。7-Eleven 全新嘅7PREMIUM THE COFFEE BLACK 咖啡香味最出色、Doutor 香氣不錯僅次於 7PREMIUM、Pokka 及 Boss 香味相當弱。
第二關：柔滑度
柔滑度即飲落口順唔順口。主打柔滑嘅Boss 滑度最高，但感覺有點誇張。其他三款滑度差不多，正常感覺。
第三關：濃度
MON 解釋做咖啡時會有一部儀器叫TDS用來測試萃取量，例如水本身比較清純，但萃取咗啲嘢落水後就會有一定程度的濃度喺入邊。Pokka 雖然最濃卻飲到苦澀味，有少少過度萃取嘅感覺。而 7PREMIUM 濃得來苦甜適中，濃度最好。Boss 則最淡。
第四關：豆種
首先7PREMIUM 樽身列明豆種為100% Arabica豆，咖啡由7種哥倫比亞和洪都拉斯的單品焙煎豆製成。採用了獨立烘焙方式，即咖啡豆獨立焙煎再撈勻，行內稱之為「屬配」，能令味道更精細、細緻。另外還有雨林聯盟認證。相反其他品牌皆沒有提及豆種，有機會是 Robusta 豆，不能確定。 7PREMIUM 資訊更齊全，略勝一籌！
第五關：餘韻
餘韻即飲完後留喺口內的味道，大家可飲完一啖咖啡再飲一啖水感受。7PREMIUM 和 Pokka 的餘韻最悠長，但 Pokka有點因過度萃取所產生的苦味。7PREMIUM 則啱啱好且帶回甘。Boss 和 Doutor 餘韻薄弱。
總括而言，Boss 咖啡有一股好強的焦糖味道，如果係來自咖啡豆本身就梗係好，不過 MON 覺得有少許怪，而其他方面都做得一般。Pokka 偏向苦澀，有點過度萃取的感覺。Doutor 各方面最平衡。
MON 認為 7PREMIUM THE COFFEE BLACK 係 4 枝中最好，因為佢嘅香味、濃度及餘韻做得最出色。樽身更標明選用7種哥倫比亞及洪都拉斯Arabica咖啡豆 ，並採用獨立烘焙方式，相信在研發時已揀好比例突出唔同風味，加上有雨林聯盟認證對環境有善，7PREMIUM THE COFFEE BLACK 各方面較優勝。
【INFO】
7PREMIUM THE COFFEE BLACK
售價：$17 港元
銷售時間：即日起
銷售地點：本港全線 7-Eleven 分店
Text/Yuen
Photo/Jay
鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。
標題：咖啡達人教你揀樽裝日本黑咖啡 激新 7-Eleven 獨家日版 / 方便之選「極」/ 日老牌出品
地址：https://www.twnewsletter.com/article/5079.html